Famba Mangwanangwana
1. Tinoisa varwere
Mberi kwenyu, Ishe;
Vazhinji vakarara
Namatenda avo.
Ishe, nzwirai tsitsi
Varere nehosha,
Vochema, vachiti :
Tinzwirei tsitsi.
2. Fungai zvepagungwa
RepaGarariya;
Makaunganirwapo
Navaitambura.
Simutsai ruoko
Sezve kare kare,
Vose vachararama,
Vose vachapona.
3. Wedzerai rutendo
Rwavanotendeka;
Varapwe vagotenda
Kuti muripo, ‘She.
Kana chirwere chavo
Chisina kupera,
Vapeiwo tariro
Youmusha kudenga.
X
Bologna
1.
Famba mangwanangwana,
Famba masikati,
Famba zuva radoka,
Famba pausiku;
Famba nomwoyo m’tsvene
Urege kutyiswa,
Upfugame namabvi,
Teura kwaari.
2.
Kumbirira shamwari,
Vose anovada;
Kumbirira vavengi,
Rega kuvasiya ,
Shure kwezvo kumbira
Chowotsvaka woga
Nero zita raJesu
Mununuri wako.
3.
Kana washaya nzvimbo
Yokugara woga,
Kana varipo vamwe,
Zvimwe une basa;
Simutsa mwoyo wako;
Mwari anokunzwa,
Kufunga kwedu kwose,
Kunoziviwa naye.
1. Mangwanani tichimuka,
Tinogam’chira norudo;
Tova noupenyu utsva,
Nesimba kubva murima
2. Kana zvichifungidzira
Kukudza zvatinoona;
Mwari achitipa pfuma
Itsva kuva chibayiro.
3. Zvose zvichatiyevedza
Toona denga mazviri;
Norudo nomunamato,
Zvoonekwa paM’chinjikwa
4. Mabasa mamwe enhando,
Nazvo zvatinokumbira;
Nekuzvinyima mu’penyu,
Zvotisvitsa kuna Mwari.
5. Murudo rwenyu, ‘She, chete
Tikonzereswe zvedenga;
Tiyamurei misi yose,
Tive pedyo noupenyu.
4. Kana waona nhamo,
Teura kwaari;
Neparufaro rwako
Tenda kuna Mwari;
Simba raakatipa
Rinokunda zvose;
Simba rokuteura,
Kuna Mwari wedu.
Awake, My Soul
1. Muka, mweya kuchiyedza,
Uite basa rezuva;
Bisa nungo, ugofara
Kupa chipo mangwanani.
2. Taura nokuvimbika
Hana yako yakachena;
Mwari, zvose anoona:
Pfungwa, mazwi, nzira dzako.
3. Ngaatendwe muchengeti
Muhope wandizorodza
Kana mukufa ndamuka,
Nemi ndigare narinhi.
4. Ishe,mhiko ndoitazve;
Paradzai zvivi sedova;
Kwangu kufunga chengeta,
Nomweya wenyu ndazadzei.
5. Zvanhasi zvitungamirei,
Zvondofunga, nokuita;
Kuti rangu simba rose
Rive rimwe nemi chose.
6. Rumbidzai Mwari wedenga,
Imi zvisikwa zvepasi;
Nokudenga, rumbidzai
Baba,Mwana, Mweya M’tsvene.
1. Shanda, rosvikarima,
Kusvika kwayedza.
Shanda ropenya dova
Romumaruva.
Shanda kune chiyedza,
Zuva richipenya,
Shanda, rosvika rima,
Basa ropera.
2. Shanda rosvika rima,
Napamasikati.
Shanda nomuchiyedza,
Uchazorora,
Shandisa nguva yose,
Uve nemugove.
Shanda rosvika rima,
Pasisashandwe.
3. Shandira Tenzi wako,
Kana uchafema,
Ropa rakakutenga
Kubva kurufu.
Shanda nyika yotukwa,
Ichiri muzvivi.
Shandira Ishe wako,
Kudzora vamwe.
4. Shanda rosvika rima,
Zuva richidoka;
Ropenya segoridhe
Kumavirira.
Shanda rukunzvi kunzvi;
Zuva richinyura.
Shanda rosvika rima,
Basa ropera.
L. Mason
1. Utonga hwotsvuka,
Mwoyo unoshuwa :
Ngaakudzwe Jesu!
Pabasa ndonamata,
Kuna Jesu ndoenda ;
Ngaakudzwe Jesu!
2. Kana dare rorira,
Pagomo, munhika
Ngaakudzwe Jesu!
Inzwai rwiyo rwedare!
Norufaro rworira;
Ngaakudzwe Jesu!
3. Ndiri kusuwa here ?
Ndowana zororo :
Ngaakudzwe Jesu !
Rufaro rwopfuura ?
Asi ndofadzwa neizvi ;
Ngaakudzwe Jesu!
4. Murufaro kudenga,
Izvi zvondifadza :
Ngaakudzwe Jesu!
Nyika,gungwa nedenga,
Ngaakudzwe
Jesu!
Pasi nedenga ngazviti
5. Ndiri mupenyu, ndirwo
Rwondoimba rwiyo :
Ngaakudzwe Jesu!
Rwiyo rusingagume,
Narinhi narinhi wose :
Ngaakudzwe Jesu!
1. Vakaimba rwiyo
Madeko mutemberi,
Mwenje waibvira
Mberi kweAreka;
Izwi rakabva kudenga
Rikanzwika mutemberi
2. Harahwa yaive
Muprisita weIzirairi;
Waichengetedza
Mwana wemuRevhi;
Zvaivanzwa kuna Eri
Mwana waHana waiziva.
3. Ndipei nzeve, Ishe,
Nzeve yaSamueri,
Inonyatsonzwisa
Zvinorehwa nemi;
Ndipindurewo semi,
Imi nokukutererai.
4. Ndipei mwoyo, Ishe,
Mwoyo waSamueri
Unomira mumba
Nokukurindirai;
Masikati nousiku,
Unoita kuda Kwenyu.
5. Ndipei pfungwa, Ishe
Pfungwa inorutendo,
Igozvipira
Murufu, muupenyu;
Ndigoverenga somwana
Chokwadi chakavanzika.
1. Zuva ratsenhuka
Rima rouya;
Mimvuri yerima
Yopararira.
2. Nyenyedzi, murima
Dzoonekera;
Shiri, mhuka, zvose
Zvichakotsira.
3. Jesu, chinyaradzai
Navakaneta;
Namakomborero,
Tigokotsira.
1. Zuva ramatipa radoka,
Usiku hwasvika zvino,
Mangwanani toimba nziyo,
Torumbidza, tozorora.
2. Totenda chechi isorara,
Kuchiyedza misi yose;
Inorinda nomunamato,
Haizorore narinhi.
3. Kunyika dzose nezvitsuwa,
Utonga hwounza zuva,
Kunamata hakungapere,
Kurumbidza hakugume.
4. Kana kwazoyedza,
4. Zuva, hero riri kumutsa
Ngandimukewo;
Hama dzedu kwese kwese;
Ndisina nechivi
Nguva dzose vanotaura
Pamberi penyu.
Nezvishoma zvaMwari.
5. Ndizvo, umambo hwenyu, Ishe
Hauperi sohwepasi
umambo hwenyu huchagara
Dakara vose vatenda.
O Lord, Regard Thy People
O God, In Whom Alone
1. Ishe, onai vanhu
1. Mwari onai une simba
Vane zano ravo,
Kukomborera mabasa
Kuvaka imba yenyu,
Enzvimbo yakakosha,
Nomuzita renyu
Izadzwe nomwenje wenyu.
Hwaro hwayo ngahuve
Uchapupu hwedi
Madziro namasuwo,
Ngazvikurumbidzei.
2. Tinotenda nenhaka
Yakatengwa naShe;
Tirege kuizvidza
Nokusazvipira.
Timutsurudze mwoyo
Kuti isarudze
Kufamba pakafambwa
Navatsvene venyu.
2. Muzita renyu, toisa
Ibwe iri tichivaka,
Kubwinya kwenyu kuonekwe.
Muponisi agokunda.
3. Vana vose vemarudzi,
Vouya kutsvaka idi;
Vazadze nowenyu mweya
Vave serimi remoto
4. Ishe, tipewo rugare
Zvitema zvibve kwatiri;
Chokwadi chenyu chedenga
Chifadze pasi pose.
1. Netariro, tinomisa
Iri ibwe pamba paShe;
Runako nesimba renyu
Zvizadze temberi yenyu.
2. Kana vatadzi votsvaka
Uso hwenyu, vonamata,
Vanzwe kudenga kwamuri;
Manzwa, movaregerera.
3. Kana dama roparidzwa
RoMwanakomana wenyu,
Nesimba rezita rake,
Paonekwe zvishamiso.
4. Kubwinya kwenyu kusabve
Nokune dzimwe temberi;
Umambo hwenyu huuye
Kumarudzi epanyika.
1. Dyara mangwanani, mbeu dzakanaka,
Dyara masikati, zvimwe kwadoka,
Tikagarira kuibva kwembesanwa
Tichifara kwazvo, kana tokohwa.
Kana tokohwa, kana tokohwa,
Tichafara kwazvo, kana takohwa.
2. Dyara mumimvuri, dyara napazuva
Usatye makore nokutonhora
Nguva dzapfuura, kushanda kwapera,
Tichafara kwazvo, kana tokohwa.
3. Enda zvako zvino udzongerere ‘She
Nyangwe nokunetswa nokutambudzwa,
Kwapera kushanda, achitingura,
Tichafara kwazvo, kana tokohwa.
1. Ngatiimbei nziyo
Kuna ‘She wegoho,
Nemwoyo inofara;
Titi,hareruya !
Anofambisa mwaka
Nemichero yawo;
Ngatiimbirei Ishe,
Nenziyo dzegoho.
2. Ndiye, makore opa,
Pfumvudza murenje,
Namakomo ofara,
Mipata yoimba;
Anovepo, wozadza
Zvose zvichawedzerwa
Gore ropa zvizhinji :
Runako, rugare.
3. Isai mberi kwake
Zvipo zvaapa ;
Miguri yokukohwa,
Inopa upenyu;
Rinzai mwoyo yenyu,
Patsoka dzake, ‘She;
Mumurumbidze, Iye,
Wakakufirai.
1.
Tinorima, todyara
Muvhu, mbeu tsvene;
Asi dzinodiridzwa
Noruoko rwaShe;
Anotumira chando,
Nokudziisawo,
Nemwandowo nezuva,
Zve nebumharutsva.
2. Ndiye Musiki wazvo
Zvose zviri pasi;
Musiki wemaruva,
Nayo nyamatsatsi;
Mhepo, mvura zvomutya,
Shiri anogutsa;
Nesuwo vana vake
Anotipa kudya.
3. Tokutendai, Baba
Pane zvakanaka,
Kudyara nokukohwa,
Upenyu nokudya.
Gam’chirai zvipo zvedu,
Ndezve rudo rwenyu
Izvo zvamunodisa
Mwoyo inotenda.
TORUMBIDZA ‘SHE WEDENGA
1. Torumbidza ‘She wedenga,
Tomutunhidza Iye;
Norwake ruoko chete,
Towana goho dzvene.
Hareruya ! Hareruya !
Mwari wauya pasi.
2. Rumbidzai Mwari negoho
Nesu anogovana;
Ndiye muridzi wazvose,
Ngative vatendeki.
Hareruya ! Hareruya !
Mubasa titeure.
3. Rumbidzai Mwari anoti :
Tive hama dzisingarwe;
Tidzidzise kugovana
Navamwe zvipo zvedu.
Hareruya ! Hareruya!
Goho rake rugare.
4. Rumbidzai Mwari neshoko
Risingazosanduki.
Murumbidzei ane rudo
Kunge chingwa chomweya.
Hareruya ! Hareruya !
Ngaakudzwe narinhi !
Come , Ye Thankful People
1.
Uyai, nokutenda,
Nenziyo dzokukohwa;
Zvose zvaunganidzwe,
Chando chave kupera.
Musiki anotipa,
Zvose zvatinoshaya
Uyai kumba kwaShe,
Nenziyo dzokukohwa.
2. Nyika, munda waIshe,
Mbeu dzose ndedzake;
Zviyo, sora zvokura,
Rufaro nokusuwa.
Tsanga, tevera hura,
Tevera zvakaibva;
Tiite isu, Ishe,
Tive zviyo zvitsvene.
3. Ishe, Mwari wouya,
Kuti akohwe mbesa;
Achabisa mumunda
Zvose zvinonyangadza.
Nengirozi dzopisa
Mumoto rose sora;
Asi dzizere hura,
Dzichaiswa mudura.
4. Chiuyai zvino, Ishe,
Nezvikohwa kumusha;
Muunganidze venyu,
Pasina matambudzo.
Vakacheniswa vose,
Mumushamo vagare;
Chiuyayi nengirozi,
Nezvikohwa kumusha.
Come, All Ye Farmers
1. Uyai, varimi mose,
Negoho rinofadza :
Chibage, mhunga, koroni,
Mapfunde, nemanhanga.
Zvazadzei mutemberi
YaMwari, Ishe wedu.
Dzorerai mbeu tsvene
Nomwoyo yokutenda.
2. Mwari wakatipa minda,
Nemvura inonaya;
Vanhu nemhuka dzesango
Zviwane kurarama.
Nehove dziri mumvura
Neshiri dzokudenga;
Rumbidzai Mwari wenyu,
Namazwi okufara.
1. Ndizvo here munoda
Chipo kwandiri, She?
Ndiudzeiwo kuda kwenyu.
Ndakomborerwa, ini.
Handina zvizhinji, Ishe
Kupa pamusana penyu,
Handina zvizhinji, Ishe,
Asi, ‘She, ndezvenyu.
2. Munoda kwandiri here
Chipo chandingape?
Zvandinazvo ndinokupai
Vamwe vakomborerwa.
3. Munoda kwandiri here
Nguva yangu yose?
Nguva yangu ndinokupai
3. Mwari wakativimbisa
Nekuti ndeyenyu.
Kuti toriritirwa,
Tikapa ruvimbo rwedu
Nokutenda kwaari.
Unganidzai zvikohwo,
Mumupe sechipiro;
Dzorerai nokutenda,
Muchawedzerwa naShe.
4. Munoda kwandiri here
Mwoyo wechokwadi?
Ndowenyu, nokuti imi
Makandirwadzirwa.
1. Ndomupei, Mwari wangu,
Netsitsi kwandiri
Ndichatora zvipo zvake
Ndokumbira zvimwe.
2. Mukombe wengoni dzake
Ndichaugam’chira,
Nazvo zvivimbiso zvake,
Nokubwinya kwake.
3. Mhiko dzangu ndochengeta
Nomuzita rake,
Zvandiri nezvandinazvo,
Ndotaura kwaari
4. Mwari anorudo
Muna Ishe Jesu;
Wakatipa nzira
Inoenda kudenga.
5. Ngative maari
Iye wokudenga,
Titsvage kuziva,
Tigove nerudo.
Bring Your Tithes
1. Unzai zvegumi, zvenyu,
Patsoka dzoM’ponisi;
Isai zviripo zvenyu,
Zvipirei kwaari.
Chiuyayi vadikanwa,
Nezvose zvinodiwa,
Sanganai nesu zvino
Mumweya wokupira.
2.
Ipai mazuva enyu,
Zvinhu zvamunodisa;
Dzorerai kuna Mwari,
Izvo zvamakapiwa.
3.
Kunyange zvipo zvishoma
Ipai kuna Mwari;
Jesu wogam’chira zvose,
Zvinopirwa chokwadi.
4. Mwari wakativimbisa
Kuzotiropafadza;
Anozotikomborera,
Netsitsi togam’chira.
6. Ishe unoona,
Mwoyo iratidzwe
Runako rworudo,
Nokubwinya kwenyu.
O God Of Bethel
1. Imi, Mwari weBheteri,
Nemi tinogutswa ;
Namadzibaba murwendo,
Mavatungamira.
2. Zvivimbiso tinoisa
‘She, pamberi penyu;
Mwari, ‘She, wamadzibaba,
Nezvizvarwa zvavo
3. Nomunzira dzine njodzi,
Mutitungamire;
Tipei kudya, zvipfeko
Zvinotikwanira.
4. Tifukudzei mweya wenyu
Tisadzungaire;
Kumusha waBaba wedu,
Mweya izorodzwe.
5. Maropafadzo enyu, ‘She,
Tinoakumbira;
Imi, muri Mwari wedu,
Nokusingaperi.
New Year
O God Our Help In Ages Past
1. Mwari wedu mubatsiri,
Tariro yemberi;
Chipotero pane dutu,
Muri musha wedu.
2. Pasi pechigaro chenyu
Vatendi vogara;
Vochengetwa nemi bedzi,
Vodzivirwa nemi.
3. Makomo pamwe nenyika
Zvisati zvasikwa,
Makangogara muripo,
Narinhi narinhi.
4. Chihuru chawo makore
Angange usiku
Hwumwechete hwapfuura,
Richabuda zuva.
5. Nguva inenge rukova
Rwunotora zvose;
Vanoenda sechitoro,
Chinofa kwayedza.
6. Mwari wedu mubatsiri,
Tariro yemberi;
Tichengetei muupenyu
Tizogara nemi.
1. Nyasha, nengoni dzenyu,
Mugore riri mberi;
Tokutendai norwiyo,
Tinzwei, Jesu, M’nunuri.
2. Mberi kwedu, irima,
Titungamirei, Ishe;
Vavengi vane simba,
Tipei zvombo zvehondo.
3. Munhamo, mukusuwa
Ivai dombo resimba;
Kana tashaya nzira,
Ivaiwo nzira yedu.
4. Titendeke muidi,
Tive venyu narinhi;
Tiyamurei kutsunga,
Tikodzeresei ngundu.
XI
RUFU
Funerals
Abide With Me
1. Gara neni, zuva ratsenhuka;
Garai neni, rima zvarasvika :
Kana vakundi vabatsiri,
Muyamuri wangu, garai neni !
2. Nguva youpenyu inoguma;
Rufaro rwenyika rwopfuura;
Nezvinhu zvose zvichazopera,
Asi, Ishe hamumbopinduka.
3. Ndoda muve neni misi yose;
Ndokunda nengoni dzenyu chete:
Ndimi bedzi nhungamiri yangu,
Muna zvose muyamuri wangu.
4. Hapana mhandu ingandityise
Kana dambudziko nemisodzi;
Handitye kufa, handitye guva.
Nemi ndichakunda pakuguma.
5. Pakufa ngandione M’chinjikwa
Wakavheneka nzira yeDenga;
Zuva robuda harichadoka;
Garai neni zvino, nomukufa.
1. Hupfupi hupenyu hwedu,
Mashoma mazuva edu;
Tinodisa misi yose,
Kuregera nzira dzedu;
Matambudziko nomufaro,
Zvose zvingashandire ; She
Noukama hwose hutsva
Munhamo hungatsveniswe.
2. Asi, zuva richadoka,
Nerima richasedera,
Mariri tichaterera;
Izwi raShe rinonzwika,
Rinotidaidza mberi,
Kubva kuzvinhu zvenyika,
Towoneka nyika sei,
Nyika iyi yakanaka?
3. Voreva zita raJesu,
Vatsvene vake vanoda;
Muna iye vanovimba,
Zvino havazive kutya;
Murudo vanozvipira,
Voti : zvakanaka zvose,
Vafi vopiwa naJesu,
Hupenyu husingaperi.
KANA KWASVIKA KUFA, WOITEI?
1. Kana kwasvika kufa, woitei?
Usina kunamata, woitei?
Pamusi’yo wokufa
Mweya unozobiswa;
Kuteura kwapera, woitei?
2. Iwe uri kuseka, woitei ?
Parukova rwokufa, woitei ?
Wokunda here kutya,
Woti : hazvina mhaka ?
Kana pasi wonyura, woitei ?
3. Iwe usingade ‘She, woitei ?
Ungazvidzikinure, woitei ?
Kufa kwakusvikira,
Zvose zvakundikana,
Wokonwa kumuwana, woitei ?
4. Iwewo mudududzi, woitei ?
Ungatizire kupi, woitei ?
Hana yako yorova,
Kana wave pakufa,
Nokusazviyamura, woitei ?
1. Mumaoko aJesu,
Pachipfuva chake;
Mweya uchazorora,
Nomurudo rwake.
Ndiri kunzwa ngirozi
Dzichindiimbira
Munyika yakanaka
Yegungwa rorudo.
Mumaoko aJesu,
Pachipfuva chake;
Mweya uchazorora,
Nomurudo rwake.
2. Mumaoko a Jesu,
Musina nenhamo;
Kureko nezviyedzo,
Kusina zvivi,
Kusina nokusuwa,
Zviyedzo hakuna,
Kana misodzi.
3. ‘She, chipotero changu
‘She, wakandifira;
Dombo, pandinomira
Pandinovimba.
Ngandive nokushinga
Pausiku hwose;
Dakarawo chiedza
Chindivhenekere.
1. Mushandi waMwari,
Chizorora zvino;
Wakarwisa wakakunda,
Pinda murufaro.
2. Wadaidzwa naShe,
Wada kupindura;
Pakarepo wakashaya
Asina nokutya.
3. Mweya wake wabva,
Wakasununguka;
Muviri wake ndokufa,
Upenyu hwapera.
4. Rufu rwapfuura,
Mushando wapera;
Kurwa kwose kwagumiswa,
Mweya wazorodzwa.
5. Mushandi waMwari,
Tangisa rukudzo
Kusingapere, narinhi
Gara naShe wako.
Your Garments Must Be White
1. Nguwo dzako ngadzichene;
1. Tinoenda kudenga uko,
Zvigadzire zvino
Woenda ?
Uchamira mberi kwaShe
Kuimba rudo rwaJsesu,
Zvigadzire zvino
Woenda ?
Vazhinji vakatoenda,
‘She wangu, ndigadzire
Nhamo dzavo dzakapera,
Kuti ndimire mberi kwenyu.
Kune nzvimbo yavanoda,
Woenda ?
2. Ndagadzirei, zvino uno,
Ndimire mberi kwenyu,
Kuti ndisave nokutya,
Ndiri mberi kwenyu.
3. Ndishambidzei mwoyo, Ishe,
Ndiri mberi kwenyu,
Kuzvidza kwangu kubiswe,
Ndiri mberi kwenyu.
2. Tinoenda kuona ‘She,
Woenda ?
Tichakudza zita rake,
Woenda ?
Zuva harichazodoka,
Mwedzi hauchazodzima,
Kuchema kuchazopera,
Woenda ?
3. Tichafamba muchiedza
Woenda?
Kure norufu nerima,
Woenda?
Tichapfekedzwa ngundu ‘ko
Nenhowo yomukundiwo,
Kudenga kuno rufaro,
Woenda?
4. Nzira ‘yi iri pachena,
Woenda?
Wakafanira kudzoka
Woenda?
M’ponisi anodaidza;
Uya utore M’chinjikwa,
Nditevera, woponiswa,
Woenda ?
5. Ndoda kuti mumwe ati :
Ndoenda!
Muchenise nzira imi,
Ndoenda!
Sarai mose venyika,
Nemi handingamboenda,
NaJesu ndichazogara,
Ndoenda!
1. Tinoenda kunyika tsvene kudenga
Musha wavanofara, nzvimbo yaShe,
Varasiki vose munzira yokufa;
Munoda kuenda kudenga here?
Moenda? Moenda ?
(pamhidza)
Munoda kuenda kedenga here?
2. Mune iyo nyika hakuna kusuwa,
Munzvimbo yavanogara vatsvene;
Imi mune mwoyo inotambudzika,
Munoda kue nda kudenga here?
3. Vose vatsvene vagadzirirwa dzimba;
Vasati vadaidzwa naye, ‘She,
Misuo yedzimba inopenya kwazvo,
Munoda kuenda kudenga here?
4. Fambai mauto, iri mberi nyika,
Tichazoimba norufaro rwayo;
Tichasanganiswa mukupenya kwayo,
Tichanwa rufaro rwenyika iyoyo.
Toenda ! Toenda !
(pamhidza)
Hungu, toenda kudenga uko.