Ndinobva kwamuri ndoenda kudenga
Ndoenda kuimba yaBaba
Mumba yavo tsvene imba yorufaro
Ndinokugadzirirai nzvimbo
Kana ndichienda, ndinozouyazve,
Handikusiyeyi muri moga;
Asi ndinozokugamuchirai ini,
Kuti mugovapowo pandiri.
Ipapo tinozogara pautsvene,
Navazhinjizhinji chokwadi;
Tinozoimbawo, tiri pamwe chete,
Tichikudza Ishe wokudenga.
Iri'zwi raMambo,riri izwi rorufaro,
Farai, vaKristu, farai!
Ishe wakaenda, asi achadzoka,
Apinze kudenga imi mose.