Hongu, Mwari wakanaka;
Panyika napamakungwa
Kuna mazwi anorira
Kuti Mwari wakanaka.
Nero zuva rovheneka
Rofuka pasi nechedza,
Nenyenyedzi dzenge dzoti:
Idi Mwari wakanaka.
Neshiriwo dzinorira
Nemvura yomunhuruka,
Nomwando wofefetera,
zvoti: Mwari wakanaka.
Ndinozvinzwawo nemhepo,
Pamwe nomo mumakomo,
Nechadenga chotaura,
zvoti: Mwari wakanaka.
zvose zvisikwa zvodaro;
Takasikwa naNyadenga;
Nomunhuwo arumbidze,
Ati: Mwari wakanaka,
Nezvi zvipo zvenyu Ishe,
zvikuru kudya kwedenga
Kwengoni neshoko zvoti,
Titi: Mwari wakanaka.