Ndinokuda-i, Jesu She,
SaMambo vangu ’po,
Handidi kukanganwa, She,
Rudo rwenyu pano.
KORASI
Ndinokudai, Jesu Kristu,
Nokuda kworudo rwenyu,
Rwakabvisa zvivi zvangu,
Ndinokudai, Jesu!
Ndinoda kurangarira,
Kufa kwenyu pano,
Ndibatsirei ndizivise
Vanhu vose zvino.
Ndinoda kurangarira
Kumuka kwenyu wo,
Makatokunda rufu ’po,
Ini ndikunde wo!
Munondiperekedza, She,
Ndikuteverei ’po
Ndiite kuda kwenyu, She,
Misi yose pano.
Ndinoda kukuteverai
Misi yose pano,
Kunyange ndinotambudzwa
Namatambudziko.