Gam’chirai mweya wangu,
Ndokupirai upenyu;
Gam’chirai misi yose,
Ngaikurumbidzei She.
Mugam’chire maoko,
Aite basa renyu;
Gam’chirai tsoka, Ishe,
Kuti dzikumanyirei.
Gam’ chirai izwi rangu,
Riimbire She vangu,
Mugam’chire miromo,
Iparidzire Mambo.
Mari yangu, gam’chirai,
Pasina chandasiya;
Gam’chirai ndangariro,
Chiitai basa nayo.
Gam’chirai kuda kwangu,
Kuti kusave kwangu;
Zvino gam’chirai mwoyo,
Chive chigaro chenyu.
Gam’chirai rudo rwangu,
Ndokupai pfuma dzangu;
Mundigam’chire, Ishe,
Nguva isingaperi.