Baptist Shona Hymn 127

Tine chipo chakakomba,
Chatakapiwa iyesu;
Takapiwa naJehova,
Icho chipo chatinacho.

Chakakomba icho chipo,
Kwavari vakachiwana ;
Vanochida kwazvo icho,
Pam’soro pezvinhu zvose.

Chine simba icho chipo,
Kwavari vakachiwana;
Choupenyu icho chipo,
Kwavari vakagam’chira.

Icho chipo ndiye Jesu
Chatakapiwa iyesu;
Ndiye chipo chakakomba
Kwavari vanomutenda.

Tinomutenda Jehova,
Naicho chipo chikuru;
Tomutenda Mwari oga,
Nokutipa Mwana wake.