Ungatora hako pasi
Nerufaro rwapo rwese
Ndinotora hangu Jesu
Nerufaro rwake rwese
CHORUS:
Tsitsi dzake zhinji zhinji
Dzinokwana kune vese
Ruponeso rwakakomba
Runofadza iwe neni
Ungatora zvako pasi
Neupfumi hwapo hwese
Ndinofadzwa ndiye Jesu,
Haazondinyimi chiro.
Ungatora zvako pasi
Nemichero inorwadza,
Asi ini ndine nhaka
Yeupenyu hwake Mwari.
Ungatora zvako pasi
Asi unofamba wega,
Ini ndine Muponesi,
Ari Tenzi wakanaka
Ungatora zvako pasi
Asi harugutsi mweya,
Ndinotenda kuna Jesu
Uyo ane zano rese.
Ungatora zvako pasi,
Uchitadza, uchichema,
Asi ndinofara kwazvo,
Ndine Mubatsiri wangu.