Ndoenda naJesu muzvinhu zvose,
Ndoenda naJesu ndiudze vose,
Ndoenda naJesu ndimukudzewo,
Ndoenda naJesu norudo zvino.
KORASI
Ndoenda; ndoenda,
Ini handityi,
Ndoenda naJesu,
Iye aneni.
Ndoenda naJesu mukuedzwa wo,
Jesu wakayedzwa naSatan’ pano,
Asi Jesu wakatomukunda ’po,
Ndoenda naJesu; ndichakunda wo!
Ndoenda naJesu; handifambi 'po,
Ini ndoga muzvivi zvangu pano,
Asi Jesu wakatondifira 'po,
Ndoenda naJesu ndifare zvino!
Ndoenda naJesu ndizivise wo
Vose vanobatwa nezvivi pano,
Jesu ane simba avanatse wo,
Ndoenda naJesu; iye aripo.
Ndoenda naJesu kunyange pano
Rufu runondikonzera ndife 'po,
Jesu achanditakura kudenga,
Ndoenda naJesu; ndichamuvonga!