Tomuda imi Mweya sei!
Pindai kwetiri, mutipei
Chiedza chokum’soro;
Uya-i, chitionesai;
Nesuwo, chitiponesai
Nenyasha dzenyu nyoro!
Uyai, uyai, mutizadze mutifadze;
Zuva redu!
Vheneka-i mwoyo yedu!
Uya-i mutidzi’sezve,
Mimwoyo yedu ngaitsve
Norudo rwaSHE Jesu!
Zvikuru mutisimbisei,
Mimwoyo yose timupei
Mugozogara nesu;
Pisai, bvisai zvakaipa, mugotipa,
Isu tose,
Mwoyo mitsva misi yose!
SHE, Munyaradzi, chipindai!
Vanonzwa shungu, chivapai
Rugare nomufaro!
Bva isu chitinatsisai,
Kuna SHE chitikweverai,
Tifadzwe nokudaro!
Uyai, uyai, mutimutse,
tisimuke,
Tigoenda,
Tigosvikako kudenga!